Kásipker Q.Jamalıevtiń isi Astana prokýratýrasyna jiberildi
ASTANA. QazAqparat - Kásipker Qaırat Jamalıevtiń isi prokýratýraǵa jiberildi, dep habarlady Astana qalasy ІІD baspasóz qyzmeti.
«Kúdiktiler Q.Jamalıev pen A.Prıbytkov jáne olardyń qorǵaýshylaryn ispen tanystyrý aıaqtaldy. Aıyptalý aktisimen qylmystyq is bekitilip, ári qaraı sotqa joldaý úshin Astana qalasynyń prokýratýrasyna jiberildi», - delingen habarlamada.
Eske sala keteıik, kásipker Qaırat Jamalıevtiń Astana turǵyny Álibı Jumaǵulovty uryp-soǵýy faktisi jurtshylyq arasynda úlken jańǵyryq týǵyzýymen baılanysty ony tekserý barysy QR Bas prokýrory men ishki ister mınıstriniń baqylaýyna alyndy. Q.Jamalıev 2015 jylǵy 23 sáýirde ustaldy, 24 sáýirde materıaldar tutqynǵa alý jónindegi bultartpaý sharalaryn tańdaý úshin sotqa jberildi.
Budan buryn, Esil aýdany prokýrorynyń sanktsııasymen kúdikti Q.Jamalıevtyń turǵylyqty jerinde, sondaı-aq onyń qyzmettik keńsesinde úsh tintý júrgizildi. 25 sáýirde polıtsııa organdary qylmysqa ekinshi qatysýshy A.Prıbytkovty (Jamalıevtiń júrgizýshisi) ustady.
Sol kúni úshinshi kúdikti A.Ábiltaevqa qatysty bultartpaý sharasy - tutqynǵa alý týraly ótinish kelisilip, izdeý jarııalandy.
