«Kásipker» holdıngi bazasynda oqytýshylardyń biliktiligin arttyrýdyń jańa júıesi qurylady
ASTANA. QazAqparat - «Kásipker» holdıngi bazasynda oqytýshylardyń biliktiligin arttyrýdyń jańa júıesi qurylady. Bul týraly búgin «Kásiptik bilim jáne bıznes: áriptester suhbattastyǵy» atty 6-shy halyqaralyq forýmda QR Bilim jáne ǵylym mınıstri Aslan Sárinjipov aıtty.
«Kásipker» holdıngi bazasynda oqytýshylardyń biliktiligin arttyrýdyń jańa júıesi qurylatyn bolady. Onda 2016 jyldyń ózinde 5200 oqytýshy jumysshy biliktiligin kóterip, kásiporyndarda taǵlymdamadan ótedi jáne sertıfıkatsııaǵa ıe bolady», - dedi ol.
Mınıstrdiń aıtýynsha, nátıjesinde 3 jyldyń ishinde sertıfıkat alǵan pedagogtardyń úlesi 20 paıyzǵa deıin ulǵaıady.
«Bul sharalardyń barlyǵy bizdiń stýdentterdiń álemdik bilim berý keńistigindegi básekege qadiettiligin arttyrýǵa baǵyttalǵan. Osyǵan baılanysty respýblıkanyń halyqaralyq WorldSkills qaýymdastyǵyna kirý qajettiligi týyndap otyr», - dedi A.Sárinjipov.
