Kásipker demalys ortalyǵyn koronavırýske shaldyqqandardy emdeıtin gospıtal retinde berdi

KÓKShETAÝ. QazAqparat – Jergilikti kásipker demalys ortalyǵyn koronavırýs naýqastaryn emdeıtin gospıtal retinde paıdalanýǵa berdi, dep habarlaıdy QazAqparat tilshisi Іshki saıasat basqarmasyna silteme jasap.

«Aqmola oblysynyń ákimdigi jergilikti kásipker, qoǵam qaıratkeri Arman Shoraevtyń «Aurora Garden» demalys ortalyǵyn koronavırýspen kúresý sheńberinde gospıtal retinde berý týraly usynysyn qoldady», - delingen habarlamada.

Vedomstvonyń málimetinshe, oblystyq densaýlyq saqtaý basqarmasynyń basshysy Súlen Іlıasov kásipker usynyp otyrǵan demalys ortalyǵy Zerendi aýandyq aýrýhanasyna bekitiledi.

«Qazirgi kezde bizdiń taraptan qajetti dárigerler men orta medıtsınalyq personaldardyń sany eseptelýde. Eger jetispeı jatsa, Kókshetaý jáne Sandyqtaý aýdandarynan mamandar aldyrtamyz. Bul biz úshin kómek, osy arqyly dárigerlerimiz azamattarymyzdy emdep, ómirine arasha túsetin bolady», - deıdi basqarma basshysy.

Sonymen qatar, Súlen Іlıasov tamaqpen qamtamasyz etý máselesin QR Densaýlyq saqtaý mınıstrligi óz moınyna alatynyn aıtty. Óz kezeginde «Aurora Garden» demalys ortalyǵy naýqastardy karantınge jáne gospıtalge jatqyzý úshin qajeti jaǵdaıdy usynady.

Arman Shoraev telefon arqyly onyń mundaı ıgi qadamǵa barýyna otbasynyń ortaq tilegi arqaý bolǵan.

«Biz tegin 100 oryndyq demalys ornyn berý arqyly osy indetpen kúresýge óz úlesimizdi qosqymyz keledi», - dedi kásipker.

Bul týraly Arman Shorav óziniń Facebook paraqshasynda jazdy. Ol óz jazbasynda usynysy qoldaý tapqandyǵy úshin qýanyshty ekenin jetkizdi. Jeli qoldanýshylar kásipkerdiń ıgi isine qoldaý bildirip, alǵystaryn bildirýde.