Kásipker balalarǵa oıyn-saýyq ortalyǵyn syıǵa tartty-Qyzylorda oblysy
QYZYLORDA. QazAqparat-Qazaly aýdanynyń ortalyǵy Áıteke bı kentinde balalarǵa arnalǵan oıyn-saýyq ortalyǵy paıdalanýǵa berildi, dep habarlady QazAqparat aýdandyq ákimdikke silteme jasap.
Zaman talabyna saı ortalyq ashýdy jergilikti jeke kásipker Qarjaýbaı Ótegenov qolǵa alǵan. Túrli oıyn-saýyq attraktsıondarymen jabdyqtalǵan ortalyq jyldyń barlyq mezgilinde jumys jasamaq.
Ashylý saltanatyna qatysqan Áıteke bı kenti ákiminiń orynbasary Q.Orynbasarov, aýdandyq ardagerler keńesiniń tóraǵasy O.Bekpanov balǵyndardy 1-maýsym Halyqaralyq balalardy qorǵaý kúnimen quttyqtap, jańa nysannyń jumysyna sáttilik tiledi.
