Kásipker áıelge qarýly shabýyl jasaǵan qaskúnem ustaldy
ALMATY. 14 qazan. QazAqparat /Ádilet Musahaev/ - 32 jasar qaraqshynyń qolynan ortalyq kıim-keshek bazarynda birneshe saýda núkteleri bar 44 jasar áıel japa shekti.
Keshki saǵat bester shamasynda Saýranbaev kóshesi boıyndaǵy úıine ketip bara jatqan áıeldi úıdiń kireberisindegi ekinshi qabatta beıtanys bireý kútip turǵan.
«Eshnárseden kúdiktenbegen azamatsha Aıgúl úı dálizine kiredi. Kenetten onyń aldynan er adam shyǵa kelip, elektroshokermen qorqytyp, qoqan-loqqy jasaý arqyly odan qol sómkesin berýin talap etken. Áıel qoryqqanynan onyń aıtqanyna kónip, ishinde 200 myń teńgesi bar óziniń qol sómkesin bere salady. Jábirlenýshi ýaqyt ozdyrmastan bul qaraqshylyq shabýyl týraly dereý polıtsııaǵa habarlaǵan. Nátıjesinde jaqyn mańaıdy sholý jumystary jedel uıymdastyrylyp, kúdiktini izdestirýge patrýldik polıtsııa narıadtarynan basqa ІІD syrtqy qyzmetteriniń ózge de ekıpajdary jumyldyryldy», - dep habarlady Túrksib aýdandyq ІІB bastyǵy, polıtsııa polkovnıgi Nurlan Moshqalov.
Shabýyl jasaýshynyń túr-túsin Aıgúl jadynda jaqsy saqtap qalypty. Ol patrýldik polıtseılerge túgeldeı qap-qara kıingen 30 jas shamasyndaǵy azııalyq násildegi adamdy sýrettep bergen. Sonymen qatar, áıel óziniń bir kúndik tabysymen qosa eki uıaly telefony men 5 altyn buıymy da shabýyl jasaýshynyń oljasyna aınalǵanyn óz túsiniktemesinde málimdedi. Jalpy alǵanda, keltirilgen shyǵyn somasyn Aıgúl 408 myń teńgege baǵalaǵan.
«Jedel izdestirý sharalary nátıjesinde «Almaty-1» temirjol stansasy aýmaǵyndaǵy turǵyn úılerdiń aýlasynda kúdikti qolǵa tústi. Jábirlenýshi ózin tonaǵan qaraqshyny jazbaı tanydy. Aqsha men elektroshoker jáne basqa da aıǵaq zattar tárkilenip, bultartpas dálel retinde, QR QK 179-baby boıynsha qozǵalǵan qaraqshylyq shabýylǵa qatysty qylmystyq iske tirkeldi. Al ustalǵan jigittiń shabýyl jasaýǵa aldyn-ala daıyndalǵandyǵy, qylmys qarýy bolǵan elektroshokerdi óziniń eski tanysynan alǵandyǵy keıinirek belgili boldy. Bizdiń aldyn-ala maǵlumat boıynsha, bul tonaýshylyq áreket aldyn-ala muqııat josparlanyp, bireýlerdiń bergen aqparattary negizinde jasalynǵan. Óıtkeni, jeke kásipker kúni boıǵy tapqan tabysyn úıine udaıy alyp kelip júrmegen. Tergeý amaldary jalǵasýda», - dep óz sózin tujyrymdady Nurlan Moshqalov.
