Kásipker áıelderge bıznesti damytý joldary úıretildi
ASTANA. QazAqparat - Aqmola oblysy Іshki saıasat basqarmasy Shortandy aýdanynyń Naýchnyı k. EQYU qoldaýymen «Qazaqstannyń kásipker áıelder odaǵy» QB «Kásipker áıelder úshin kóshbasshylyq daǵdylary», "Qazaqstannyń Úshinshi jańǵyrýy: jahandyq básekege qabilettilik», «Básekege qalaı qabiletti bolýǵa bolady», «Qarjylyq saýattylyq» taqyryptarynda oqytý semınarlary ótkizildi, dep habarlaıdy.
Semınarǵa Shortandy, Arshaly, Aqkól aýdandarynyń, Astana men Kókshetaý qalalarynyń kásipkerleri qatysty.
Jattyqtyrýshylar bolyp QR Parlamenti Májilisiniń depýtattary, «Qazaqstannyń kásipker áıelder odaǵy» QB tóraǵasy, «ASIA» Kásipker áıelder bıznes qaýymdastyǵy» ZTB prezıdenti Merýert Qazbekova jáne Qazaqstannyń Kásipker áıelder odaǵynyń atqarýshy dırektory Gúlnár Kúshmurzına boldy.
Semınarǵa qatysýshylar áleýmettik jáne ekonomıkalyq belsendilikti arttyrý, qarjy quraldaryn jáne jańa tehnologııalardy tıimdi paıdalaný arqyly kásipker - áıelderdiń aqparattyq saýattylyǵyn qalyptastyrý máselelerin talqylady.
Shortandy aýdanynda ótken áıel kásipkerligin damytý jónindegi semınarlar kásipker áıelderge problemalardy aıqyndaý jáne aqparattyq qoldaý kórsetý arqyly shaǵyn bıznesti tıimdi ári saýatty qurý men damytýda kómek kórsetýge baǵyttalǵan.
«Búginde qazaqstandyq áıelder serpindi damyp keletin ekonomıkada laıyq orynǵa ıe bolyp, bızneste joǵary pozıtsııalarǵa jetti. Birshama qysqa merzimde kásipkerler óz kásiporyndaryna tabysty qamtamasyz ete aldy, olarǵa tıisti iskerlik áleýet tanytty jáne iskerlik áıel týraly eskirgen túsinikti ózgertti», - dep atap ótti QR Parlamenti Májilisiniń depýtaty Merýert Qazbekova.
