Kásipker 50 mln teńgege balabaqsha salyp berdi - OQO
ShYMKENT. QazAqparat - Ońtústik Qazaqstan oblysy, Qazyǵurt aýdanynda jańa úlgidegi balabaqsha ashyldy. Memlekettik jekeshelik áriptestik aıasynda boı kótergen nysanda endi Turbat aýylynyń 100-ge tarta búldirshini tárbıelenetin bolady, dep habarlaıdy QazAqparat tilshisi.
«Merýert ana» bóbekjaı balabaqshasyn salýǵa kásipker Adas Isakýlova óz qaltasynan 50 mln teńgege jýyq qarajat jumsaǵan. Sonyń arqasynda mektepke deıingi mekeme jarty jylda esigin aıqara ashty. Zamanaýı tehnologııamen qamtylǵan bóbekjaıda búldirshinder úshin barlyq jaǵdaı jasalǵan. «Balapan» baǵdarlamasy aıasynda salynǵan baqshada balalardy tasymaldaý jaǵy da qarastyrylǵan. Nysannyń jalpy jer aýmaǵy 0,45 gektardy quraıdy.
«Búginde balabaqsha 30 adamdy turaqty jumyspen qamtyp otyr. Mundaǵy qyzmetkerlerdiń ortasha aılyq jalaqysy 60 myń teńgeni quraıdy. Jalpy mekeme bóbekjaıǵa arnalǵan barlyq qural-jabdyqtarmen qamtylǵan. Psıhologtar men deıtsınalyq kabınetterimiz bar. Endi osy múmkindikti paıdalana otyryp, balǵyndarymyzǵa sapaly bilim, sanaly tárbıe berýmen aınalysamyz. Olarǵa úsh tilde bilim berý jaǵyn qarastyrmaqpyz», - dedi kásipker Adas Isakýlova.
Aıta keteıik, búginde Qazyǵurt aýdanynda 13 memlekettik, 55 jekemenshik balabaqsha jumys isteıdi. Ótken 2017 jyldyń ózinde memlekettik-jekemenshik áriptestik aıasynda «Balapan» baǵdarlamasymen 33 balabaqsha paıdalanýǵa berildi. Nátıjesinde balalardy balabaqshamen qamtý deńgeıi 87,5 paıyzǵa jetken. Bıyl bul kórsetkishti 90 paıyzdan asyrý kózdelip otyr.
