Kásip bastaǵysy keletin jastarǵa 2 mln teńgege berilmek
ShYMKENT. QazAqparat - Ońtústik Qazaqstan oblysynda kásip bastaǵysy keletin jastarǵa 2 mln teńgege deıin nesıe beriledi. Mundaı tapsyrmany oblys ákimi Janseıit Túımebaev «Ońtústik» aımaqtyq ınvestıtsııalyq ortalyǵy men «Yrys» mıkroqarjy uıymyna berdi, dep habarlaıdy QazAqparat tilshisi.
Bul týraly búgin ótken óńirlik kommýnıkatsııalar qyzmetinde ótken baspasóz máslıhatynda belgili boldy.
Sala mamandarynyń sózine qaraǵanda, elimizde shaǵyn jáne orta kásipkerlikke qoldaý kóp. Ásirese, jas bıznesmender úshin múmkindik zor.
Elbasynyń tapsyrmasy negizinde kásip bastaǵysy keletinderge ońtaıly jobalar usynylýda. Sonyń biri - «Jastardy qoldaý» bolyp otyr. Igi jobanyń negizgi maqsaty - jastar arasynda jumyssyzdyqty joıyp, tıimdi degen bastamalaryn qoldaý. Taǵy bir tyń jobalardyń biri «Jas kásipker» baǵdarlamasy baıqaý formatynda ótedi. Jeltoqsan aıynda uıymdastyrylatyn konkýrsta 50 joba iriktelmek. Úzdikterge «Yrys» mıkroqarjy uıymynyń basshylyǵy 2 mıllıon teńgeni 60 aıǵa deıingi merzimmen 7 paıyzben usynatynyn jetkizdi.
Aıta keteıik, atalǵan qarjyǵa qol jetkizý úshin kepildikke múlik usynylady.
Sondaı-aq eki adam senimdi ókil bolýy tıis. Baıqaýǵa kez-kelgen bıznes ıdeıasy bar 18-29 jas aralyǵyndaǵy turǵyndar azamattar qatysýǵa múmkindik almaq.
