Kásip ashý úshin azamattarǵa beriletin memlekettik grant somasy ulǵaıdy

NUR-SULTAN. QazAqparat – Bıyl kásibin ashýǵa nıetti adamdar úshin memleket tarapynan beriletin grant somasy ósti. Bul týraly Nur-Sultan qalasy halyqty jumyspen qamtý ortalyǵynyń kásipkerlik bastamalardy qoldaý bólimi basshysynyń mindetin atqarýshy Baqyt Bekenov aıtty, dep habarlaıdy QazAqparat tilshisi.

«Jańa bıznes ıdeıalardy iske asyrýǵa arnalǵan memlekettik granttyń somasy bıyl 200 AEK-ten (636 000 teńge) 400 AEK-ke (1 225 200 teńge) deıin ósti. Bul qarajatty azamattar qaıtarýsyz, óteýsiz negizde alady. Grant baǵdarlamaǵa qatysýshylarǵa tek bir ret ǵana beriledi», - dedi Baqyt Bekenov.

Onyń aıtýynsha, aǵymdaǵy jyly bıznes bastaýǵa ázir 350 azamatqa grant berý josparlanǵan.

Eske sala keteıik, buǵan deıin Shyǵys Qazaqstan oblysynda muqtaj jandarǵa jeke kásip ashýǵa 300-ge jýyq grant bólinetinin habarlap edik.