Qasym-Jomart Toqaevtyń týǵan kúnine oraı quttyqtaý hattary kelip tústi
ASTANA. KAZINFORM – Aqorda Memleket basshysy Qasym-Jomart Toqaevtyń týǵan kúnine oraı quttyqtaý hattary kelip túskenin habarlady.
Prezıdent Qasym-Jomart Toqaevtyń týǵan kúnine shet memleketter jáne úkimetter basshylarynan, halyqaralyq uıymdar men dıplomatııalyq mıssııalar ókilderinen quttyqtaý jedelhattary kelip jatyr.
Memleket basshysynyń atyna Reseı Prezıdenti Vladımır Pýtın, Qytaı Halyq Respýblıkasynyń Tóraǵasy Sı Tszınpın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Ázerbaıjan Prezıdenti Ilham Álıev, Belarýs Prezıdenti Aleksandr Lýkashenko, Armenııa Prezıdenti Vaagn Hachatýrıan, Armenııa Premer-Mınıstri Nıkol Pashınıan, BAÁ Prezıdenti sheıh Muhammed ben Zaıd Ál Nahaıan, BAÁ Vıtse-prezıdenti, Premer-mınıstri, Dýbaı Ámirshisi sheıh Muhammed ben Rashıd Ál Maktým, Qatar Ámiri sheıh Támım ben Hamad Ál Tánı, Italııa Prezıdenti Serdjo Mattarella, Serbııa Prezıdenti Aleksandr Výchıch, Moldova Prezıdenti Maııa Sandý, Slovakııa Prezıdenti Peter Pellegrını, Slovenııa Prezıdenti Natasha Pırts-Mýsar, Koreıa Respýblıkasynyń Prezıdenti Lı Chje Meń, Mıanma Prezıdenti Mın Aýn Hlaın, Palestına Prezıdenti Mahmud Abbas, TMD Bas hatshysy Sergeı Lebedev jáne taǵy da basqa resmı tulǵalar quttyqtaý jedelhattaryn joldady.
Sonymen qatar elimizdiń azamattary, Qazaqstannyń kórnekti saıası jáne qoǵam qaıratkerleri, zııaly qaýym ókilderi Prezıdentke júrekjardy lebizderin jetkizdi.
Quttyqtaý hattary áli de kelip túsýde.
Aıta keteıik, Prezıdent Túrkistan oblysy ákimi men turǵyndarǵa rızashylyǵyn bildirdi.
