Memleket basshysynyń sapary: Qazaqstan men Italııa qandaı qujattarǵa qol qoıdy
RIM. KAZINFORM – Qazaqstan Prezıdenti Qasym-Jomart Toqaev pen Italııa Mınıstrler keńesiniń tóraǵasy Djordja Melonıdiń arasynda ótken kelissózden keıin birqatar qujatqa qol qoıyldy. Bul týraly Aqordanyń baspasóz qyzmetinen málim etti.
Qol qoıylǵan qujattar tizimi:
- Qazaqstan Respýblıkasynyń Úkimeti men Italııa Respýblıkasynyń Úkimeti arasyndaǵy Ekinshi dúnıejúzilik soǵys kezinde qaza tapqan áskerı qyzmetshiler jerlengen oryndardyń mártebesine qatysty kelisim;
- Qazaqstan Respýblıkasynyń Ádilet mınıstrligi men Italııa Respýblıkasynyń Ádilet mınıstrligi arasyndaǵy ózara túsinistik jáne yntymaqtastyq týraly memorandým;
- Qazaqstan Respýblıkasynyń Mádenıet jáne aqparat mınıstrligi men Italııa Respýblıkasynyń Mádenıet mınıstrligi arasyndaǵy ózara túsinistik týraly memorandým;
- Qazaqstan Respýblıkasynyń Ǵylym jáne joǵary bilim mınıstrligi men Italııa Respýblıkasynyń Ýnıversıtetter jáne zertteýler mınıstrligi arasyndaǵy ózara túsinistik týraly memorandým;
- Qazaqstan Respýblıkasy Prezıdentiniń janyndaǵy Memlekettik basqarý akademııasy men Italııa Respýblıkasynyń Ulttyq memlekettik basqarý mektebi arasyndaǵy ózara túsinistik týraly memorandým;
- Qazaqstannyń «Samuryq-Qazyna» qory men Italııanyń «Cassa Depositi i Prestiti» kompanııalar toby arasynda birlesken ınvestıtsııalyq qor qurý jáne óńdeý ónerkásibi, energetıka, logıstıka salalaryna ınvestıtsııa salý týraly kelisim;
- Qazaqstannyń «QazMunaıGaz» ulttyq kompanııasy men Italııanyń «ENI» kompanııasy arasyndaǵy jalpy qýaty 247 MBt bolatyn gıbrıdti elektr stantsııasyn (jel elektr stantsııasy, kún elektr stantsııasy) salý jónindegi birlesken jobany júzege asyrý týraly birlesken túpkilikti ınvestıtsııalyq sheshim.
Foto: Aqorda 
Foto: Aqorda 
Foto: Aqorda 
Foto: Aqorda 
Foto: Aqorda 
Foto: Aqorda Eske salaıyq, Q.Toqaev 18 qańtar kúni resmı saparmen Italııaǵa barǵan bolatyn.
Memleket basshysynyń Italııaǵa resmı sapary Prezıdent Serdjo Mattarellamen kezdesýden bastaldy.
Qasym-Jomart Toqaev sheteldik ınvestorlar úshin el ekonomıkasynyń anaǵurlym tartymdy jáne perspektıvti salalary, onyń ishinde «jasyl» energetıka týraly egjeı-tegjeıli málimet berdi.
Keıin QR Prezıdenti «Kıdjı» saraıynda Italııanyń Mınıstrler Keńesiniń Tóraǵasy Djordja Melonımen kelissóz júrgizdi.
Aıta keteıik, 19 qańtarda Qasym-Jomart Toqaev Vatıkan memleketine resmı saparmen baryp, Rım Papasy Frantsıskpen kezdesý ótkizedi. Osy oraıda Kazinform eki el arasyndaǵy yntymaqtastyqtyń negizgi sátterine sholý usynǵan bolatyn.
