Qasym-Jomart Toqaev Zúlfııa Súleımenovany qabyldady

ASTANA. KAZINFORM - Qasym-Jomart Toqaev QR Prezıdentiniń keńesshisi – Halyqaralyq ekologııalyq yntymaqtastyq jónindegi arnaýly ókili Zúlfııa Súleımenovany qabyldady. 

Memleket basshysyna Baký qalasynda ótken BUU klımattyń ózgerýi jónindegi negizdemelik konventsııasyna qosylýshy taraptardyń 29-konferentsııasynyń basty qorytyndylary týraly málimet berildi.

Prezıdentke 3 jeltoqsan kúni Er-Rııad qalasynda ótetin One Water Summit halyqaralyq is-sharasyna ázirlik barysy baıandaldy. Atalǵan sammıt Qazaqstan men Frantsııanyń tóraǵalyǵymen, sondaı-aq Dúnıejúzilik banktiń jáne Saýd Arabııasynyń qoldaýymen uıymdastyrylady.

Prezıdent Qazaqstannyń ekologııa, sý resýrstary jáne bıoalýantúrlilikti saqtaý baǵytyndaǵy bastamalaryn sapaly iske asyrýdy tapsyrdy.