20:53, 17 Jeltoqsan 2025 | GMT +5
Qasym-Jomart Toqaev Japonııaǵa resmı saparmen bardy
ASTANA. KAZINFORM — Memleket basshysy Qasym-Jomart Toqaev Japonııaǵa resmı saparmen bardy. Bul týraly Aqordanyń baspasóz qyzmeti habarlady.
Qazaqstan Prezıdentin Tokıo qalasynyń Haneda halyqaralyq áýejaıynda Japonııanyń memlekettik syrtqy ister mınıstri Aıano Kýnımıtsý qarsy aldy.
Memleket basshysy erteń Japonııa ımperatory Narýhıtomen jáne Premer-mınıstr Sanae Takaıchımen kelissózder júrgizedi.
Aıta ketelik sapar aıasynda ımperator Narýhıtomen, Premer-mınıstr Sanae Takaıchımen kezdesý josparlanǵan. «Ortalyq Azııa – Japonııa» sammıtine qatysyp, iskerlik orta ókilderimen júzdespek. Kazinform tilshisi Qazaqstan men Japonııa arasyndaǵy baılanystyń mańyzdy tustaryna toqtalyp kórgen edi.