Qasym-Jomart Toqaev jańa taǵaıyndalǵan Almaty ákimine birqatar mindet júktedi
ASTANA. KAZINFORM - Memleket basshysy Almaty qalasynyń jańadan taǵaıyndalǵan ákimi Darhan Satybaldyny qabyldady, dep habarlaıdy Aqordanyń baspasóz qyzmeti.
Prezıdentke qala ákimi aldaǵy jumystyń basym baǵyttary, sonyń ishinde áleýmettik-ekonomıkalyq damý, qala ekologııasyn ońaltý jáne shahar turǵyndarynyń turmys sapasyn arttyrý jónindegi jospary týraly baıandady.
Qasym-Jomart Toqaev megapolısti damytýdyń negizgi mindetterin aıqyndady.
Atap aıtqanda, turaqty ekonomıkalyq ósimdi qamtamasyz etý, ekonomıkany ártaraptandyrý, qalanyń ınfraqurylymyn keshendi túrde jańǵyrtý, sondaı-aq jol-kólik jelisiniń jaǵdaıyn jaqsartý, ekologııalyq máselelerdi sheshý sııaqty birqatar naqty tapsyrma berdi.
Osyǵan deıin Prezıdenttiń memlekettik nagradalar tapsyrǵany týraly jazdyq.