Qasym-Jomart Toqaev Vladımır Pýtınmen telefon arqyly sóılesti
ASTANA. KAZINFORM — Memleketter basshylary ekijaqty yqpaldastyqtyń qazirgi jaı-kúıin talqylap, bıyl Qazaqstan-Reseı qarym-qatynasy mazmundy ári nátıjeli bolǵanyn atap ótti, dep jazady Aqorda.
Negizgi jetistikterdiń biri retinde eki eldiń baılanysy jan-jaqty strategııalyq seriktestik jáne odaqtastyq deńgeıine jetkenin aıtýǵa bolady. Bul memleketter arasyndaǵy yntymaqtastyqtyń mańyzdy kezeńine aınaldy.
Qazaqstan Prezıdenti Ýkraına qaqtyǵysyn retteý boıynsha kelissóz protsesiniń ilgerileýin quptap, ózara berik ýaǵdalastyqqa qol jetkizýge baǵyttalǵan saıası-dıplomatııalyq tásilderdi jalǵastyrý qajet ekenine toqtaldy.
Sonymen qatar Qasym-Jomart Toqaev Reseı Federatsııasy Prezıdentiniń memlekettik rezıdentsııasyna shabýyl jasaý áreketterin aıyptaıtynyn jetkizip, munyń bitimge kelýge jáne qaqtyǵystyń saıası sheshimin izdeýge keri áser etetinin aıtty.
Áńgimelesý sońynda memleketter basshylary bir birin kele jatqan Jańa jylmen quttyqtap, qos halyqqa baq-bereke tiledi.
Aıta keteıik, Prezıdent quqyq buzýshylyq profılaktıkasyna qatysty qujatqa engizilgen ózgeristi maquldady.