Qasym-Jomart Toqaev Vladımır Pýtındi elorda áýejaıynan qarsy aldy

ASTANA. KAZINFORM — Qasym-Jomart Toqaev Qazaqstanǵa memlekettik saparmen kelgen Reseı Federatsııasynyń Prezıdenti Vladımır Pýtındi elorda áýejaıynan qarsy aldy

Mártebeli qonaqty kútip alý úshin áýejaıda Qurmet qaraýyly sap túzedi. Qazaqstan men Reseı halyqtarynyń shynaıy dostyǵynyń belgisi retinde balalar eki eldiń jalaýyn jelbiretip, qoshemet kórsetti jáne Vladımır Pýtın bastaǵan Reseı delegatsııasyna iltıpat bildirip, óleń oqydy.

Foto: Aqorda

Budan keıin kásibı sýretshi Ásel Sabyrjanqyzy (Assol) Vladımır Pýtın Astanaǵa ushqan sátte sala bastaǵan kartınasyn tanystyrdy. Ol sondaı-aq memleketter basshylaryna polotnony jazýǵa úles qosýdy usyndy. Kartına Reseı Prezıdentine sapar sońynda syıǵa tartylady.

Foto: Aqorda