Qasym-Jomart Toqaev Vetnam halqyn Táýelsizdik kúnimen quttyqtady

ASTANA. KAZINFORM — Qasym-Jomart Toqaev Prezıdent To Lamdy Vetnam Sotsıalıstik Respýblıkasynyń Táýelsizdik kúnimen quttyqtady.

Qazaqstan Prezıdenti óz jedelhatynda Vetnamnyń órkendegen memleket jáne úılesimdi qoǵam qurý jolynda aıtarlyqtaı jetistikke jetkenin atap ótti.

Memleket basshysy eki el arasynda ózara senim men seriktestikke negizdelgen dostyq baılanys ornaǵanyna toqtaldy.

Sonymen qatar elderimizdiń ıgiligi jolynda nátıjeli yntymaqtastyqty odan ári damytýǵa beıildi ekenin rastady.

Qasym-Jomart Toqaev To Lamnyń jaýapty memlekettik qyzmetine tabys, al Vetnam halqyna baq-bereke tiledi.