Qasym-Jomart Toqaev Ústel tennısi ortalyǵyna bardy

ASTANA. KAZINFORM – Memleket basshysy Qyzylorda qalasyndaǵy Ústel tennısi ortalyǵyn aralap kórdi.

Keshendi salýǵa oblys bıýdjetin ońtaılandyrý barysynda únemdelgen qarajat esebinen 2,5 mıllıard teńge qaralyp, qurylys byltyr qazan aıynda aıaqtaldy. Sondaı-aq «Samruk Kazyna Trust» áleýmettik jobalardy damytý qory 900 mıllıon teńge qarjy bóldi.

Zamanaýı úlgide salynǵan ortalyqta 16 ústel tennısi ornalasqan oıyn alańy, 350 kórermenge arnalǵan oryndar, jattyǵý zaly men ákimshilik bólmeler bar. Munda 52 qyzmetker jumys isteıdi.

Búginde onda 280 bala ústel tennısimen turaqty túrde shuǵyldanady.

Memleket basshysy tennısshi balalarmen júzdesip, olarǵa sáttilik tiledi.

Aıta keteıik, Qasym-Jomart Toqaev Qyzylorda oblysynyń tarıhı-ólketaný mýzeıimen tanysty.