Qasym-Jomart Toqaev Ýkraınadaǵy jaǵdaıǵa qatysty pikir bildirdi
Memleket basshysy Qasym-Jomart Toqaev Ýkraınadaǵy jaǵdaıǵa qatysty Qazaqstannyń ustanymy jóninde aıtyp berdi, dep habarlaıdy QazAqparat tilshisi.
Qasym-Jomart Toqaev Germanııa Federatıvtik Respýblıkasyna resmı saparmen bardy jáne Federaldyq kantsler Olaf Sholtspen kelissózderden keıin tilshilermen baspasóz máslıhatyn ótkizdi.
Óz sózinde Prezıdent Qazaqstan BUU Jarǵysy negizinde soǵys qımyldaryn dereý toqtatýdy jáne beıbit kelissózderdi jaqtaıtynyn atap ótti.
«Búgin qurmetti kantsler myrzaǵa jaǵdaıdyń shyn máninde óte kúrdeli ekenin aıttym, Reseı jaǵy da, Ýkraına tarapy da kelissózderge daıyn ekenin jetkizdi. Biraq kelissóz alańy áli anyqtalmady. Osy jóninde de kelissózder engizýge bolady», - dedi Qasym-Jomart Toqaev.
Buǵan deıin Memleket basshysy Reseı Qazaqstanǵa aýmaqtyq turǵyda talap qoıady degen esh alańdaýshylyq joǵyn aıtqan edi.
