Qasym-Jomart Toqaev: Úkimet pen ákimder jumys isteý tásilin túbegeıli ózgertýi tıis

Касым-Жомарт Токаев
Фото: akorda.kz

ASTANA. KAZINFORM – Úkimet pen ákimder jumys isteý tásilin túbegeıli ózgertýi tıis. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty.

«Aldaǵy mindetterdi oryndaý úshin Úkimetke de, ákimdikterge de tıisti quzyret berilgen. Alaıda, bul múmkindikter kóp jaǵdaıda durys qoldanylmaı jatady. Sonyń kesirinen reformalardy júzege asyrý qarqyny báseńdep ketti. Mundaıdy doǵarý kerek. Memlekettik organdar arasynda ózara kelisý men talqylaý jumysy aıaqtalǵansha, kez kelgen bastamanyń negizgi mán-mańyzy da ózgerip ketedi. Bıýrokratııany toqtatý qajet, bizge naqty nátıje kerek. Úkimet pen ákimder jumys isteý tásilin túbegeıli ózgertýge tıis. Jumys barysynda júıeli ustanym bolýy qajet», - dedi Prezıdent.

Qasym-Jomart Toqaev máseleni jedel sheshýmen qatar, ekonomıkanyń uzaqmerzimdi damýyn qamtamasyz etý óte mańyzdy ekendigin basa aıtty.

«Qazirgi jaǵdaıda ekonomıkamyzdyń meılinshe erkin damýyna mán berýimiz qajet. Elimizdi damýdyń jańa belesine shyǵaramyz desek, bul jumysty jedel jáne dáıekti túrde júrgizgen jón. Men byltyrǵy Joldaýymda jańa ekonomıkalyq saıasattyń negizgi baǵyttaryn aıqyndap berdim. Sondyqtan búgin men qazirgi ekonomıkalyq ahýalǵa qatysty ózekti máselelerge toqtalamyn», - dedi Memleket basshysy.

Сейчас читают