Qasym-Jomart Toqaev Túrikmenstan basshylaryn Táýelsizdik kúnimen quttyqtady
ASTANA. KAZINFORM — Qasym-Jomart Toqaev Túrikmenstan Táýelsizdiginiń 35 jyldyǵyna oraı Prezıdent Serdar Berdimuhamedovke jáne Túrikmenstan halqynyń ulttyq kóshbasshysy, Halk Maslahatynyń tóraǵasy, Arkadag Gýrbangýly Berdimuhamedovke quttyqtaý jedelhatyn joldady. Bul týraly Aqorda málim etti.
Memleket basshysy baýyrlas Túrikmenstan bul mereıli mejeni bedeldi, damyǵan memleket retinde qarsy alyp otyrǵanyn, osynaý jetistikterdiń túp negizinde túrikmen halqynyń yntymaq-birligi, baı mádenıeti men jasampaz rýhy jatqanyn atap ótti.
— Táýelsizdik alǵan sátten beri elderińiz áleýmettik-ekonomıkalyq jańǵyrýda, halyqtyń ál-aýqatyn arttyrýda tańǵalarlyq tabysqa qol jetkizdi. Óziniń beıtarap ustanymynan aınymaǵan memleket retinde halyqaralyq pozıtsııasyn kúsheıtti. Qazaqstan Túrikmenstanmen dostyq qatynasyn erekshe baǵalaıdy, tatý kórshilik jáne ózara qoldaý sıpatyndaǵy san qyrly seriktestikti nyǵaıtýǵa aıryqsha mán beredi, — dep jazylǵan jedelhatta.
Qazaqstan Prezıdenti Túrikmenstan basshylyǵynyń memleket múddesi jolyndaǵy qyzmetine tolaıym tabys, al baýyrlas túrikmen halqyna baq-bereke tiledi.
Aıtka keteıik, buǵan deıin Prezıdent qazaqstandyqtardy Eńbek kúnimen quttyqtady.
