Qasym-Jomart Toqaev Túrkııada Qoja Ahmet ıAssaýı atyndaǵy mekteptiń ashylýyna ruqsat berdi
ASTANA. KAZINFORM – Búgin Táýelsizdik saraıynda elimizge memlekettik saparmen kelgen Túrkııa Prezıdenti Rejep Taııp Erdoǵanmen kelissózderden keıin Memleket basshysy Qasym-Jomart Túrkııada Qoja Ahmet ıAssaýı atyndaǵy mekteptiń ashylýyna ruqsat berdi.
- Qazaqstan Respýblıkasy Prezıdentiniń bastamasymen baýyrlas túrik halqyna qoldaý men janashyrlyqtyń belgisi retinde Túrkııa Respýblıkasy Gazıantep provıntsııasy Nýrdagy qalasyndaǵy mekteptiń saltanatty ashylýyna ruqsat etińizder, - dedi Oqý-aǵartý mınıstri Juldyz Súleımenova.- Ruqsat, - dedi Qazaqstan Prezıdenti.
Esterińizge sala ketsek, 2023 jyldyń 6 aqpanynda Túrkııada qýatty jer silkinisi boldy.
Zilzaladan Gazıantep provıntsııasy qatty zardap shekti. 2024 jylǵy 19 jeltoqsanda Qasym-Jomart Toqaev bastamashylyǵymen Nýrdagy qalasynda mekteptiń irgetasyn qalaý rásimi ótti. Mektep 960 orynǵa arnalǵan. Onyń ishinde bastaýysh mekteptiń 32 synyby, 4 mektepke deıingi synyp bar.
Aıta keteıik, Qazaqstan men Túrkııa arasyndaǵy bilim, medıtsına jáne ınvestıtsııalyq baılanys kúsheıip keledi.
