Qasym-Jomart Toqaev Túrkııa prezıdentin quttyqtady
ASTANA. KAZINFORM - Memleket basshysy Túrkııa Prezıdentine quttyqtaý jedelhatyn joldady, dep habarlaıdy Aqordanyń baspasóz qyzmeti.
Qasym-Jomart Toqaev Rejep Taııp Erdoǵandy Túrkııanyń Ulttyq meıramy – Respýblıka kúnimen quttyqtady.
Prezıdent quttyqtaý jedelhatynda Túrkııanyń birligi men damýynyń biregeı nyshany sanalatyn bul kúnniń mán-mańyzy erekshe ekenin atap ótti. Sonymen qatar birlesken kúsh-jiger arqyly Qazaqstan men Túrkııa arasyndaǵy strategııalyq yntymaqtastyq eki el ıgiligi úshin nyǵaıa beretinine senim bildirdi.
Qasym-Jomart Toqaev Rejep Taııp Erdoǵannyń asa jaýapty memlekettik qyzmetine tolaǵaı tabys, baýyrlas túrik halqyna qut-bereke tiledi.
Osyǵan deıin Qazaqstan Prezıdentiniń Mońǵolııaǵa memlekettik sapary aıasynda Ulan-Batyr qalasyndaǵy Shyńǵys han ulttyq mýzeıin arnaıy baryp kórgenin jazdyq.
