Qasym-Jomart Toqaev Túrkııa Prezıdenti Rejep Taııp Erdoǵandy Astanaǵa shaqyrdy
ASTANA. KAZINFORM – 13-14 mamyr kúnderi Túrkııa Prezıdenti Rejep Taııp Erdoǵan Qazaqstan Prezıdenti Qasym-Jomart Toqaevtyń shaqyrýymen memlekettik saparmen Astanaǵa keledi. Bul týraly Aqordanyń baspasóz qyzmeti habarlady.
Memleket basshylary ekijaqty qarym-qatynastyń qazirgi jaǵdaıy men bolashaǵyn talqylaıdy. Sonymen qatar Qazaqstan men Túrkııa arasyndaǵy Joǵary deńgeıdegi strategııalyq yntymaqtastyq keńesiniń altynshy otyrysy ótedi.
15 mamyrda Túrkistan qalasynda Túrki memleketteri uıymyna múshe elderdiń basshylarynyń beıresmı sammıti uıymdastyrylady. Jıynda «Jasandy ıntellekt jáne tsıfrlyq damý» taqyryby talqylanady.
Buǵan deıin Qasym-Jomart Toqaev Rýmen Radevke quttyqtaý jedelhatyn joldaǵanyn jazǵan edik.
