Qasym-Jomart Toqaev: Túrki halyqtarynyń yqpaldastyǵyn arttyra túsý — bárimizge ortaq mindet
Ózge elder Túrki memleketteri uıymynyń ustanymdaryna basa mán beretin boldy. Bul týraly Aqordada ótip jatqan Túrki memleketteri uıymynyń H sammıtinde Memleket basshysy Qasym-Jomart Toqaev aıtty, dep habarlaıdy Kazinform.
«Ózderińizge málim, osy kúnge deıin biraz sharýa atqaryldy. Naqty jetistikterimiz bar. Qazaqstannyń bastamasymen qurylǵan Túrkitildes memleketter yntymaqtastyǵy keńesi qazirgi ýaqytta tolyqqandy, bedeldi halyqaralyq uıymǵa aınaldy. „Túrki áleminiń keleshegi-2040“ atty qujat bekitildi. Eń bastysy — baýyrlas elderdiń birligin bekemdeı tústik. Ortaq qundylyqtarymyzdy tórtkúl dúnıege tanyttyq. Biz babalar ósıetin oryndap, túrki elderiniń yntymaǵyn nyǵaıtyp kelemiz», - dedi Memleket basshysy.
Qazaqstan Prezıdenti endigi maqsat — ózara senimge jáne baýyrlastyqqa negizdelgen birligimizdi saqtap, óskeleń urpaqqa tabystaý ekendigin basa aıtty.
«Túrki álemi jahandyq yqpaly bar eldermen teń dárejede qarym-qatynas jasap otyr. Basqa memleketter bizdiń uıymnyń ustanymdaryna basa mán beretin boldy. Sondyqtan túrki halyqtarynyń yqpaldastyǵyn arttyra túsý — bárimizge ortaq mindet», — dedi Qasym-Jomart Toqaev.
