Qasym-Jomart Toqaev tennısshi Elena Rybakınany jeńisimen quttyqtady

ASTANA. KAZINFORM – Prezıdent Qasym-Jomart Toqaev tennısshi Elena Rybakınany Er-Rııadta ótken WTA qorytyndy týrnırindegi jeńisimen quttyqtady.

– Siz tennısten jyl qorytyndysy sanalatyn bedeldi jarysta sheberliktiń ozyq úlgisin kórsetip, asqan erik-jigerdiń arqasynda jeńiske jettińiz.

Qazaqstandyq jáne álemdik tennıs sportynyń tarıhyndaǵy osynaý aıtýly jetistigińizben shyn júrekten quttyqtaımyn jáne rızashylyǵymdy bildiremin.

Dúbirli dodadaǵy jeńisińizdi, tennıstiń damýyna qosqan úlesińizdi jáne atalǵan sportty elimizde nasıhattaýǵa sińirgen eńbegińizdi eskere otyryp, Sizdi ІІІ dárejeli «Barys» ordenimen marapattaý týraly Jarlyqqa qol qoıdym.

Sizge zor densaýlyq, baq-bereke jáne Qazaqstan Respýblıkasynyń dańqyn asyratyn jańa jetistikter tileımin, – delingen quttyqtaýda.

Aıta keteıik, búgin Elena Rybakına WTA qorytyndy týrnırin utqan alǵashqy azııalyq tennısshi atandy.