Qasym-Jomart Toqaev Tájikstan Prezıdentin Qoja Ahmet Yasaui ordenimen marapattady

Qasym-Jomart Toqaev búgingi saltanatty rásimniń máni tereń ári sımvolıkalyq turǵydan erekshe ekenin atap ótti. Prezıdenttiń aıtýynsha, qazaq pen tájik halyqtaryn ǵasyrlardan tamyr tartatyn dostyq, rýhanı úndestik jáne ortaq tarıhı taǵdyr baılanystyrady.

— Bizdiń óńirimiz álemge kórnekti oıshyldar, ǵalymdar, shaıyrlar men aǵartýshylardyń tutas shoǵyryn syılady. Olardyń murasy jekelegen elder men halyqtardyń aýqymynan asyp, keń taraldy. Islam qaıta órleý dáýiriniń eń kórnekti tulǵalarynyń biri — Qoja Ahmet ıAsaýı. Qazaq halqy uly ǵulama ári aǵartýshy esimin erteden erekshe qaster tutady, kıeli sanaıdy. Sonymen qatar Qoja Ahmet ıAsaýı murasy — búkil órkenıetke jáne árıne, ǵasyrlar boıy ortaq rýhanı dástúrleri qalyptasqan Ortalyq Azııa halyqtaryna tıesili qazyna, — dedi Qazaqstan Prezıdenti.

Memleket basshysy uly oıshyldyń ilimi adamgershilik, ádilet, meıirim jáne gýmanızm ıdeıalaryna tunyp turǵanyn atap ótti.

— Bul ilim shyn máninde dúnıetanymymyzdy, bolmysymyzdy, ómir saltymyzdy qalyptastyrdy, júzdegen jyldar boıy adamdardy biriktirip, olardyń jaqsylyq pen jasampazdyqqa degen senimin arttyrdy. ıAsaýı tanymy zamanynan ozyq edi. Sondyqtan búginge deıin ǵıbratty ǵumyr jolyn nusqaıtyn ózindik bir rýhanı-adamgershilik baǵdar qyzmetin atqaryp keledi. Ózińizge málim, qurmetti Emomalı Sharıpovıch, qolǵa alǵan reformalardyń nátıjesinde qoǵamymyz jan-jaqty jańǵyrýda. Jańa qoǵamdyq etıka qalyptastyrý osy san alýan jumystyń ishinde erekshe oryn alady. Qoja Ahmet ıAsaýı dáriptegen bıik adamgershilik murattar, sondaı-aq ádilet, eńbekqorlyq, tazalyq, patrıotızm qaǵıdattary elimizde qoǵamdyq sananyń ajyramas bóligine aınaldy. ıAsaýı murasyna aıryqsha mán bere otyryp, bıyl uly oıshyl, ǵulama, aǵartýshy tulǵanyń qurmetine jańa memlekettik marapat belgileýdi usyndym, — dedi Prezıdent.

Aıta keteıik, 5-7 qarasha kúnderi Memleket basshysynyń shaqyrýymen elimizge Tájikstan Prezıdenti Emomalı Rahmonnyń resmı sapary ótip jatyr.

Buǵan deıin Qasym-Jomart Toqaev Qazaqstan Tájikstannyń eń iri saýda seriktesteriniń úshtigine engenin málim etti.

Sondaı-aq Emomalı Rahmon Qazaqstanmen saýda kólemi bir jylda 26 paıyzǵa óskenin aıtty.