Qasym-Jomart Toqaev Tájikstan Prezıdenti Emomalı Rahmonmen telefon arqyly sóılesti

ASTANA. KAZINFORM — Áńgimelesý barysynda prezıdentter eki el arasyndaǵy qarym-qatynastyń qarqyndy damyp kele jatqanyn ári yntymaqtastyqtyń barlyq baǵyty boıynsha oń dınamıka baıqalatynyn atap ótti. Bul týraly Aqordanyń baspasóz qyzmeti habarlady. 

Memleketter basshylary saýda-ekonomıkalyq jáne mádenı-gýmanıtarlyq salalardaǵy yqpaldastyqty odan ári arttyrý máselesin talqylady.

Qasym-Jomart Toqaev Emomalı Rahmondy týǵan kúnimen quttyqtap, baýyrlas tájik halqynyń ıgiligi jolyndaǵy jaýapty memlekettik qyzmetine tabys tiledi.

Memleket basshysy eki el arasyndaǵy strategııalyq seriktestik pen odaqtastyq baılanysty nyǵaıtýǵa Tájikstan Prezıdentiniń qosqan úlesin joǵary baǵalaıtynyn jetkizdi.

Taraptar aldaǵy kezdesýlerdiń kestesin qarastyrdy.