Qasym-Jomart Toqaev Táýelsizdik saraıynda Grýzııa Premer-mınıstrin qarsy aldy
ASTANA. KAZINFORM — Memleket basshysy Qasym-Jomart Toqaevtyń elimizge resmı saparmen kelgen Grýzııa Premer-mınıstri Iraklıı Kobahıdzeni Táýelsizdik saraıynda qarsy alý rásimi ótti.
Osy sapar aıasynda Qasym-Jomart Toqaev pen Iraklıı Kobahıdze bir-birine resmı delegatsııa múshelerin tanystyrdy.
Budan keıin mártebeli meımannyń resmı saparyna oraı sap túzegen qurmet qaraýylynyń bastyǵy Memleket basshysy men Grýzııa Premer-mınıstrine sálemdik baıanat berdi.
Prezıdent orkestri eki eldiń memlekettik Ánuranyn oryndady.
Ánurandardy tyńdap bolǵannan keıin Qasym-Jomart Toqaev pen Iraklıı Kobahıdze kilemshe boıymen Qazaqstan Respýblıkasynyń Memlekettik Týyna qaraı júrdi. Onyń aldyna kelgende meıman toqtap, basyn sál ıip, óziniń qurmetin bildirdi.
Resmı qarsy alý rásiminen keıin shaǵyn quramdaǵy kelissóz bastaldy.
Eske salsaq, 2025 jyly jeltoqsan aıynda Ashhabadtaǵy halyqaralyq forým aıasynda Qasym-Jomart Toqaev Grýzııa Premer-mınıstri Iraklıı Kobahıdzemen kezdesti.
