Qasym-Jomart Toqaev Táýelsizdik saraıynda Chernogorııa Prezıdentin qarsy aldy
ASTANA. KAZINFORM — Memleket basshysy Qasym-Jomart Toqaevtyń elimizge resmı saparmen kelgen Chernogorııa Prezıdenti ıAkov Mılatovıchti Táýelsizdik saraıynda qarsy alý rásimi ótti.
Táýelsizdik saraıynda Prezıdentter bir-birine resmı delegatsııa múshelerin tanystyrdy.
Budan keıin mártebeli meımannyń resmı saparyna oraı sap túzegen qurmet qaraýylynyń bastyǵy Memleket basshylaryna sálemdik baıanat berdi. Prezıdent orkestri eki eldiń memlekettik Ánuranyn oryndady.
Ánurandardy tyńdap bolǵannan keıin Qasym-Jomart Toqaev pen Chernogorııa Prezıdenti kilemshe boıymen Qazaqstan Respýblıkasynyń Memlekettik Týyna qaraı júrdi. Onyń aldyna kelgende meıman toqtap, basyn sál ıip, óziniń qurmetin bildirdi.
Resmı qarsy alý rásiminen keıin Memleket basshylarynyń qatysýymen shaǵyn quramdaǵy kelissóz bastaldy.
Aıta keteıik, 18-20 maýsym kúnderi Memleket basshysy Qasym-Jomart Toqaevtyń shaqyrýymen Chernogorııa Prezıdenti ıAkov Mılatovıch Qazaqstanǵa resmı saparlaıtynyn jazǵan edik.
19 maýsymda taraptar joǵary deńgeıde kelissózder júrgizip, saıası dıalogty nyǵaıtý, sondaı-aq saýda-ekonomıkalyq, ınvestıtsııalyq jáne mádenı-gýmanıtarlyq yntymaqtastyq perspektıvasyn talqylaıdy.
Eske salsaq, buǵan deıin Chernogorııa Qazaqstan azamattary úshin ýaqytsha vızasyz rejım engizdi.
