Qasym-Jomart Toqaev: «Tarıhı jaraqat alǵan» ult psıhologııasynan arylýymyz kerek

QYZYLORDA. KAZINFORM — «Tarıhı jaraqat alǵan» ult psıhologııasynan arylýymyz kerek. Bul týraly Ulttyq quryltaıdyń V otyrysynda Memleket basshysy Qasym-Jomart Toqaev aıtty.

— Buryn da aıtqam, qazir de atap ótkim keledi: biz «tarıhı jaraqat alǵan» ult psıhologııasynan birjola arylýymyz kerek. Basqa túsken qaıǵy-qasirettiń bárin basqa halyqtardan kórý, ultymyzdyń mańdaıyna jazylǵan aşy taǵdyr týraly bitpeıtin pikirtalastar júrgizý — keshegi kúnmen ómir súrý degen sóz. Búkil álem ózgerip jatyr, bizge de ózgeretin ýaqyt keldi. Biz — bolashaǵy jarqyn, joly ashyq jas memleketpiz, sondyqtan ýaqyt kóshinen qalmaı, tek alǵa qaraı júrýimiz kerek, — dedi Prezıdent.

Budan buryn Prezıdent táýelsizdigimizdi nyǵaıta túsý jolynda bar kúsh-jigerin salyp, eńbek ete beretinin aıtqan edi.