Qasym-Jomart Toqaev Tarazdaǵy arıtmologııa klınıkasynyń jumysymen tanysty
ASTANA. KAZINFORM — Prezıdent júrek soǵysynyń buzylýyn jedel emdeýge mamandanǵan medıtsınalyq mekemege bardy. Bul týraly Aqordanyń baspasóz qyzmeti habarlady.
Óńirdegi biregeı ortalyq júrekti radıojıilik pen krıoablatsııa tásilderimen emdeıdi.
Qasym-Jomart Toqaevqa klınıkanyń kardıologııalyq jáne kardıohırýrgııalyq kómek, sonyń ishinde joǵary tehnologııalyq aralasý arqyly dárigerlik járdemniń tolyq spektrin kórsete alatyny jóninde baıandaldy.
Mekeme bir aýysymda 150 adamǵa deıin qabyldaı alady. Sondaı-aq 47 oryndyq statsıonar bar.
Ortalyqqa quıylǵan jalpy ınvestıtsııa kólemi 2,5 mıllıard teńgeni qurady.
Budan buryn Qasym-Jomart Toqaev Jambyl oblysyna jumys sapary aıasynda mamandandyrylǵan áskerı mektep-ınternatynyń qyzmetimen tanysty.
Sonymen qatar Jambyl oblysynyń bir top azamaty memlekettik nagradalarmen marapattaldy.