Qasym-Jomart Toqaev Taıland Premer-mınıstrin elge shaqyrdy
ASTANA. KAZINFORM — Prezıdent Qasym-Jomart Toqaev Shanhaıdaǵy jumys sapary aıasynda Taıland Premer-mınıstri Anýtın Charnvırakýlmen kezdesti.
Aqordanyń baspasóz qyzmetiniń habarlaýynsha, Memleket basshysy Qazaqstan Taılandty Azııadaǵy basty seriktesterdiń biri retinde qarastyratynyn atap ótti.
Prezıdent eki eldiń ekonomıkalyq yqpaldastyǵynyń keleshegin joǵary baǵalady. Bıyl tórt aıda taýar aınalymy byltyrǵy sáıkes kezeńmen salystyrǵanda 76 paıyzǵa ulǵaıyp, 110 mıllıon dollardan asqan.
Qasym-Jomart Toqaevtiń pikirinshe, atalǵan kórsetkishti áli de arttyra túsýge bolady. Ásirese, saýda-sattyq kólemin agrarlyq ónimderdi jetkizý esebinen ulǵaıtýǵa mol múmkindik bar.
Memleket basshysy kásipkerlerge qolaıly jaǵdaı jasaý maqsatynda eki el úkimetteri arasyndaǵy baılanysty jandandyrýdy usyndy. Yntymaqtastyqty jandandyratyn salanyń biri — týrızm.
Taıland Qazaqstan azamattary úshin eń tanymal baǵyttardyń qataryna kiredi. Byltyrdyń ózinde bul elge 150 myńnan asa otandasymyz barǵan.
Qazaqstan da Taıland azamattaryna demalystyń biregeı múmkindikterin, sonyń ishinde qysqy týrızm qyzmetin usyna alady.
Al Anýtın Charnvırakýl eliniń ózara múddege saı kóptegen másele boıynsha yqpaldastyqty arttyrýǵa nıetti ekenin málimdedi.
Onyń aıtýynsha, Bangkok ekonomıka, saýda, tsıfrlandyrý jáne týrızm salalaryndaǵy áriptestikke tyń serpin berý qajet dep sanaıdy.
Kezdesý sońynda Qasym-Jomart Toqaev Premer-mınıstr Anýtın Charnvırakýldy Qazaqstanǵa resmı saparmen kelýge shaqyrdy.
Eske salaıyq, buǵan deıin Memleket basshysy Dúnıejúzilik jasandy ıntellekt jónindegi konferentsııada sóz sóılegenin habarlaǵanbyz.
