Qasym-Jomart Toqaev Aqtóbe oblysynyń ákimine jańa teatr salýdy tapsyrdy

Qasym-Jomart Toqaev Tahaýı Ahtanov atyndaǵy Aqtóbe oblystyq drama teatryna bardy. Memleket basshysy búginde halyqtyń teatrǵa qyzyǵýshylyǵy artyp kele jatqanyna toqtaldy, dep habarlaıdy Kazinform.

Osy oraıda Qasym-Jomart Toqaev óner ordasy ǵımaratynyń tozǵanyn aıtyp, oblys ákimine jańa teatr salýdy tapsyrdy.

Prezıdent oblys jurtshylyǵy ókilderimen áńgimelesý barysynda elimizde zań ústemdigin saqtaý jáne urpaq tárbıesine basa mán berý kerek ekenin atap ótti.

– Men qaı jerge barsam da zańnyń ústemdigi týraly aıtyp júrmin. Bul – óte mańyzdy. Olaı bolmasa, tabysty memleket qura almaımyz. Jastarmen kezdesken saıyn olardy eńbekqor, tártipti bolýǵa shaqyramyn. Jalpy jastardy tárbıeleýge erekshe kóńil bólýimiz kerek. Qazaqstandy damytý – halyqtyń, memlekettiń sharýasy, – dedi Prezıdent.

Kezdesý sońynda Memleket basshysy Aqtóbe oblysyn kórkeıtýge eleýli úles qosyp júrgen túrli salanyń ókilderine rızashylyǵyn bildirdi.