Toqaev Soltústik Makedonııa prezıdentin Táýelsizdik kúnimen quttyqtady
ASTANA. KAZINFORM — Qasym-Jomart Toqaev Gordana Sılıanovska-Davkovany Soltústik Makedonııa Respýblıkasynyń ulttyq merekesi — Táýelsizdik kúnimen quttyqtady.
Aqordanyń baspasóz qyzmetiniń habarlaýynsha, jedelhatta dostyq pen ózara túsinistikke negizdelgen ekijaqty qarym-qatynas dáıekti túrde damyp kele jatqany atap ótilgen.
— Qasym-Jomart Toqaev Gordana Sılıanovska-Davkovanyń qyzmeti men ıgi bastamalaryna tolaıym tabys, al Soltústik Makedonııa halqyna qut-bereke tiledi, — delingen habarlamada.
Eske salaıyq, munyń aldynda Qasym-Jomart Toqaev Lýıs Inasıý Lýla da Sılva men onyń otandastaryn ulttyq mereke — Táýelsizdik kúnimen quttyqtaǵan edi.
