Qasym-Jomart Toqaev Slovakııa Premer-mınıstrin Aqordada qarsy aldy
ASTANA. KAZINFORM – Memleket basshysy Qasym-Jomart Toqaev Aqordada elimizge resmı saparmen kelgen Slovakııa Premer-mınıstri Robert Fıtsony qarsy aldy.
Aldymen Qasym-Jomart Toqaev pen Robert Fıtso bir-birine resmı delegatsııa múshelerin tanystyrdy. Osydan keıin mártebeli meımannyń saparyna oraı saltanatty rásimder zalynda sap túzegen qurmet qaraýylynyń bastyǵy Memleket basshylaryna sálemdik baıanat berdi. Prezıdent orkestri eki eldiń memlekettik Ánuranyn oryndady.
Ánurandardy tyńdap bolǵannan keıin Qasym-Jomart Toqaev pen Robert Fıtso kilemshe boıymen Qazaqstan Respýblıkasynyń Memlekettik Týyna qaraı júrdi.
Onyń aldyna kelgende meıman toqtap, basyn sál ıip, óziniń qurmetin bildirdi. Sonan soń meıman men Prezıdent qurmetti qaraýyl sapynyń boıymen júrdi. Qurmetti qaraýyl bastyǵymen qoshtasty.
Qazirgi ýaqytta joǵary deńgeıdegi kelissózder ótip jatyr. Kelissózder barysynda Qazaqstan Prezıdenti men Slovakııa Úkimetiniń basshysy qazaq-slovak seriktestigin keńeıtý perspektıvasyn talqylamaq.
Buǵan deıin Kazinform agenttiginiń analıtıkalyq sholýshysy Qazaqstan men Slovakııa baılanysynyń kórkeıýin jan-jaqty saralap kórgen edi.