Qasym-Jomart Toqaev Sinovation Ventures jáne 01ai kompanııalarynyń bas dırektoryn qabyldady
ASTANA. KAZINFORM – Memleket basshysy Sinovation Ventures jáne 01ai kompanııalarynyń bas dırektory Lı Kaı Fýdy qabyldady, dep habarlaıdy Aqorda.
Áńgimelesý barysynda Prezıdent Qasym-Jomart Toqaev Lı Kaı Fýdyń Qazaqstanda joǵary tehnologııalardyń damýyna eleýli úles qosqanyn atap ótti.
Bıznesmen Jasandy ıntellektini damytý jónindegi keńes jumysyna belsendi túrde atsalysyp keledi jáne Memleket basshysynyń shtattan tys keńesshisi.
Prezıdent elimizdiń jasandy ıntellekt salasynda tıimdi ári naqty nátıjege baǵdarlanǵan seriktestik qurýǵa nıetti ekenin aıtty.
Bul rette 01ai jáne Sinovation Ventures kompanııalarymen birqatar baǵytta yntymaqtastyq aıasyn keńeıtýge múddeli ekenin jetkizdi. Naqty aıtqanda, Qazaqstanda ozyq bilim berý bastamalary men jobalardy iske asyrý, ornyqty tehnologııalyq ekojúıe qalyptastyrý baǵyttarynyń keleshegi zor.
Qasym-Jomart Toqaev men Lı Kaı Fý ózara yntymaqtastyqty odan ári damytý jáne birlesken jobalardy júzege asyrý barysyn talqylady.
Aıta keteıik, Prezıdent Úkimetke «Derekterdi óńdeý ortalyqtarynyń alqaby» jobasyn muqııat pysyqtaýdy tapsyrdy.
