Qasym-Jomart Toqaev Sı Tszınpınniń shaqyrýymen Qytaıǵa barady

ASTANA. KAZINFORM — Memleket basshysy Qasym-Jomart Toqaev Tóraǵa Sı Tszınpınniń shaqyrýymen 30 tamyz — 3 qyrkúıek kúnderi Qytaı Halyq Respýblıkasyna barady, dep habarlaıdy Aqordanyń baspasóz qyzmeti.

Vedomstvo málimetinshe, sapar aıasynda ótetin joǵary deńgeıdegi kelissózder barysynda qazaq-qytaı máńgi ári jan-jaqty strategııalyq seriktestigin nyǵaıtý perspektıvasy talqylanady.

Sonymen qatar 31 tamyz — 1 qyrkúıek kúnderi Qazaqstan Prezıdenti Tıantszın qalasynda ótetin Shanhaı yntymaqtastyq uıymynyń sammıtine jáne «ShYU plıýs» jıynyna qatysady.

Budan bólek 2 qyrkúıekte Memleket basshysy Beıjińge baryp, onda Qazaqstan — QHR Іskerlik keńesinde sóz sóılep, Qytaıdyń iri kompanııa jetekshilerimen birqatar kezdesý ótkizedi.

— 3 qyrkúıek kúni Qasym-Jomart Toqaev Ekinshi dúnıejúzilik soǵystaǵy Jeńistiń 80 jyldyǵyna arnalǵan saltanatty is-sharaǵa mártebeli meıman retinde qatysady, — delingen Aqorda taratqan aqparatta.

Osydan buryn Prezıdent Qasym-Jomart Toqaevtyń shaqyrýymen 26-27 tamyz kúnderi Qazaqstanǵa Iordanııa Koroli II Abdalla ben ál-Hýseın resmı saparmen keletini habarlandy.