Qasym-Jomart Toqaev Shveıtsarııanyń jańadan saılanǵan prezıdentin quttyqtady
ASTANA. KAZINFORM — Memleket basshysy Shveıtsarııa Konfederatsııasynyń prezıdenti bolyp saılanýyna oraı Gı Parmelanǵa quttyqtaý jedelhatyn joldady, dep habarlaıdy Aqordanyń baspasóz qyzmeti.
Quttyqtaýda Gı Parmelannyń kóshbasshylyq qasıeti men eline qaltqysyz qyzmet etkeniniń arqasynda joǵary senimge ıe bolyp, osynaý bıik laýazymǵa qaıta saılanǵany jazylǵan.
— Memleket basshysy prezıdenttiń jańa merziminde halyqaralyq qatynastarda mańyzdy ról atqaratyn Shveıtsarııa damýdyń dańǵyl jolyn jalǵastyra beretinine senim bildirdi. Qasym-Jomart Toqaev Gı Parmelannyń jaýapty memlekettik qyzmetine tabys, al Shveıtsarııa halqyna baq-bereke tiledi, — delingen habarlamada.
Budan buryn Memleket basshysy Túrikmenstan Prezıdentimen kezdesý ótkizgenin jazǵan edik.