Qasym-Jomart Toqaev Shveıtsarııa Prezıdentine quttyqtaý jedelhatyn joldady
ASTANA. KAZINFORM — Qasym-Jomart Toqaev Gı Parmelandy Shveıtsarııa Konfederatsııasynyń Ulttyq kúnimen quttyqtady.
Bul týraly Aqordanyń baspasóz qyzmeti habarlady.
— Bul ataýly kún Shveıtsarııanyń baı tarıhı murasyn tanytyp, demokratııalyq tuǵyrynyń beriktigin jáne eldiń beıtaraptyq qaǵıdattarǵa udaıy beıil ekenin kórsetedi, — dep jazylǵan jedelhatta.
Prezıdent Qazaqstan Shveıtsarııamen dostyqqa jáne ózara qurmetke negizdelgen san qyrly yntymaqtastyqty joǵary baǵalaıtynyna toqtaldy.
Sondaı-aq saýda, ınvestıtsııa, qarjy jáne bilim salalaryndaǵy yqpaldastyqtyń oń dınamıkasyn atap ótti.
Qasym-Jomart Toqaev Gı Parmelannyń jaýapty memlekettik qyzmetine tabys, al dostas Shveıtsarııa halqyna qut-bereke tiledi.
Eske salaıyq, buǵan deıin Memleket basshysy Qasym-Jomart Toqaev Qostanaı oblysynyń qurylǵanyna 90 jyl tolýyna arnalǵan saltanatty is-sharaǵa qatysýshylardy quttyqtaǵan edi.
