Qasym-Jomart Toqaev Shavkat Mırzıeevti týǵan kúnimen quttyqtady
ASTANA. KAZINFORM — Memleket basshysy Ózbekstan Prezıdentimen telefon arqyly sóılesti, dep habarlaıdy Aqordanyń baspasóz qyzmeti.
Qasym-Jomart Toqaev Shavkat Mırzıeevti týǵan kúnimen quttyqtap, baýyrlas ózbek halqynyń ıgiligi jolyndaǵy jaýapty memlekettik qyzmetine tabys tiledi.
Sonymen qatar Shavkat Mırzıeevtiń parasatty basshylyǵynyń arqasynda Ózbekstan áleýmettik-ekonomıkalyq damý men halyqaralyq bedelin arttyrýda mol tabysqa qol jetkizip, keshendi reformalar arqyly senimdi túrde ilgerilep kele jatqanyna nazar aýdardy.
— Memleket basshysy Ózbekstan kóshbasshysynyń eki el arasyndaǵy dostyq jáne tatý kórshilik rýhyndaǵy strategııalyq seriktestik pen odaqtastyq qarym-qatynasty nyǵaıtýǵa qosqan úlesin joǵary baǵalaıtynyn atap ótti, — delingen habarlamada.
Taraptar búginde qazaq-ózbek yntymaqtastyǵy qarqyndy ekenin atap ótip, saýda-ekonomıkalyq, kólik-logıstıkalyq jáne mádenı-gýmanıtarlyq salalardaǵy baılanysty tereńdetý perspektıvasyn talqylady.
Prezıdentter óńirlik jáne halyqaralyq kún tártibinde ózekti máseleler jóninde pikir almasyp, aldaǵy kezdesýler kestesin qarastyrdy.
Budan buryn Memleket basshysy Mysyr Prezıdentine quttyqtaý jedelhatyn joldaǵanyn jazdyq.
