Qasym-Jomart Toqaev Serbııa Prezıdenti Aleksandr Výchıchti Aqordada qarsy aldy
ASTANA. KAZINFORM — Aqordada Memleket basshysy Qasym-Jomart Toqaev elimizge resmı saparmen kelgen Serbııa Prezıdenti Aleksandr Výchıchti qarsy aldy.
Aldymen meımannyń avtomobıli Prezıdent Saraıynyń ortalyq basqyshyna kelip, uzyn kilemsheniń jıegine toqtady. Ol jerde meımandy Qazaqstan Prezıdenti Protokol qyzmetiniń qyzmetkeri kútip aldy. Aqordada Aleksandr Výchıchti Qasym-Jomart Toqaev qarsy aldy. Ózara sálemdeskennen keıin meıman men Prezıdent bir-birine delegatsııalaryn tanystyrdy.
Osydan keıin mártebeli meımannyń saparyna oraı saltanatty rásimder zalynda sap túzegen Qurmet qaraýylynyń bastyǵy Memleket basshylaryna sálemdik baıanat berdi.
Prezıdent orkestri eki eldiń memlekettik Ánuranyn oryndady.
Ánurandardy tyńdap bolǵannan keıin Qasym-Jomart Toqaev pen Serbııa Prezıdenti kilemshe boıymen Qazaqstan Respýblıkasynyń Memlekettik Týyna qaraı júrdi.
Onyń aldyna kelgende meıman toqtap, basyn sál ıip, óziniń qurmetin bildirdi. Sonan soń Memleket basshylary Qurmet qaraýyl sapynyń boıymen júrdi. Qurmet qaraýyly bastyǵymen qoshtasty.
Qazirgi ýaqytta saıası dıalogty odan ári nyǵaıtý, saýda-ekonomıkalyq baılanystardy jáne mádenı-gýmanıtarlyq ózara is-qımyldy keńeıtý máseleleri boıynsha joǵary deńgeıdegi kelissózder bastaldy.
Esterińizge sala ketsek, keshe Serbııa Prezıdentin áýejaıdan Premer-mınıstr Oljas Bektenov qarsy aldy.