Qasym-Jomart Toqaev Saıası qýǵyn-súrgin jáne asharshylyq qurbandaryn eske alý kúnine baılanysty úndeý jarııalady
ASTANA. KAZINFORM – Aqordanyń baspasóz qyzmeti Memleket basshysy Qasym-Jomart Toqaevtyń Saıası qýǵyn-súrgin jáne asharshylyq qurbandaryn eske alý kúnine baılanysty úndeýin jarııalady.
Qurmetti otandastar, biz jyl saıyn 31 mamyr kúni ótken ǵasyrdyń birinshi jartysynda saıası qýǵyn-súrginniń qurbany bolǵan adamdardyń rýhyna taǵzym etemiz.
Olardy jadymyzda saqtaý, zańdylyq qaǵıdaty men ádildik qundylyqtaryna adal bolý – bizdiń qasterli boryshymyz.
Qazaqstanda barsha azamattyń quqyqtary men bostandyqtaryn jan-jaqty qorǵaý úshin júıeli túrde jaǵdaı jasalyp jatyr.
Memleketimizdiń osy mindeti 15 naýryzdaǵy jalpyulttyq referendým kezinde qabyldanǵan Konstıtýtsııada zań júzinde bekitildi.
Biz bir qoǵam bolyp, ozyq oıly el qurý jolyna bet burdyq. Bul – elimizde Ádildik, Zańdylyq, Otanshyldyq, Eńbekqorlyq,
Tabıǵatqa súıispenshilik qaǵıdattary aıryqsha mańyzǵa ıe bolady, sondaı-aq, ǵylymdy, joǵary tehnologııalardy, mádenıetti jáne eriktiler qozǵalysyn damytýǵa basa mán beriledi degen sóz.
- Qazir búkil álem jurty Qazaqstandy barlyq salada tek alǵa qaraı qadam basyp kele jatqan el retinde tanıdy. Biz budan da bıik belesterdi baǵyndyrý úshin qoǵamymyzdyń yntymaq-birligi men turaqtylyǵyn nyǵaıta berýimiz kerek. Qazaqstannyń bolashaǵy árdaıym jarqyn bolmaq! Men buǵan kámil senemin, - delingen úndeýde.
Aıta keteıik,búgin Saıası qýǵyn-súrgin jáne asharshylyq qurbandaryn eske alý kúni.
