Qasym-Jomart Toqaev Saha Respýblıkasynyń basshysy Aısen Nıkolaevty qabyldady
ASTANA. KAZINFORM - Prezıdent Qasym-Jomart Toqaev Saha Respýblıkasynyń (ıAkýtııa) basshysy Aısen Nıkolaevty qabyldady, dep habarlaıdy Aqordanyń baspasóz qyzmeti.
V Dúnıejúzilik kóshpendiler oıyndarynyń ashylý saltanatyna qatysý úshin Astanaǵa arnaıy kelgen Aısen Nıkolaevpen kezdesýde óńiraralyq yqpaldastyqty nyǵaıtý jáne ekijaqty baılanystardy keńeıtý máseleleri talqylandy.
Qasym-Jomart Toqaev óńirler arasyndaǵy yntymaqtastyqty jan-jaqty damytý Qazaqstan men Reseı arasyndaǵy strategııalyq seriktestik jáne odaqtastyq qatynastardyń ajyramas bóligi sanalatynyn atap ótti.
Memleket basshysy Saha Respýblıkasymen ónerkásip, saýda, IT-sektor, aýyl sharýashylyǵy jáne ken ıgerý ındýstrııasy sekildi túrli salalarda yntymaqtastyqty kúsheıtýge aıtarlyqtaı múmkindik bar ekenine nazar aýdardy.
Óz kezeginde Aısen Nıkolaev kórsetilgen syı-qurmet úshin alǵys aıtyp, ıAkýtııa men Qazaqstan arasyndaǵy baılanystardy keńeıtýdiń mańyzdylyǵyna toqtaldy. Sondaı-aq ol basym baǵyttarda birlese jumys atqarýǵa daıyn ekenin jetkizip, aldaǵy ýaqytta ekijaqty baılanystardyń nyǵaıa túsetinine senim bildirdi.
