Qasym-Jomart Toqaev Rýmynııa Prezıdentine quttyqtaý jedelhatyn joldady

Qasym-Jomart Toqaev Klaýs Iohannısti Qazaqstan halqynyń jáne jeke óziniń atynan Rýmynııanyń ulttyq merekesi – Uly birigý kúnimen quttyqtady, dep habarlaıdy Kazinform Aqordanyń baspasóz qyzmetine silteme jasap.

– Rýmynııa – saıası tuǵyry bekem, ekonomıkasyn nyǵaıtýda kóptegen jetistikke qol jetkizgen halyqaralyq qaýymdastyqtyń belsendi múshesi. Osy tusta elińiz aldaǵy ýaqytta da bıik maqsat-murattarǵa jete berýine tilektestigimdi bildiremin. Qazaqstan men Rýmynııa arasynda qalyptasqan ózara tıimdi yntymaqtastyq qarqyndy damyp keledi. Oǵan Sizdiń qosyp otyrǵan jeke úlesińizdi joǵary baǵalaımyn. Ekijaqty yqpaldastyǵymyz keleshekte de tabysqa toly bolatynyna kámil senimdimin, – dep jazylǵan jedelhatta.

Memleket basshysy Qasym-Jomart Toqaev Rýmynııa Prezıdenti Klaýs Iohannıstiń asa jaýapty qyzmetine tolaıym tabys, al rýmyn halqyna baıandy baqyt pen amandyq tiledi.