Qasym-Jomart Toqaev Reseı Prezıdenti Vladımır Pýtındi elorda áýejaıynan qarsy aldy
Memleket basshysy Qasym-Jomart Toqaev Qazaqstanǵa resmı saparmen kelgen Reseı Prezıdenti Vladımır Pýtındi elorda áýejaıynda qarsy aldy, dep habarlaıdy Kazinform Aqordanyń baspasóz qyzmetine silteme jasap.
Buǵan deıin Memleket basshysy Qasym-Jomart Toqaevtyń shaqyrýymen 9 qarasha kúni Reseı Federatsııasynyń Prezıdenti Vladımır Pýtın Astanaǵa resmı saparmen keletinin jazǵan bolatynbyz.
Sapar barysynda eki el basshylary kelissóz júrgizip, Qazaqstan men Reseı arasyndaǵy strategııalyq seriktestiktiń ózekti máselelerin talqylaıdy dep josparlanyp otyr. Budan bólek, prezıdentter Qostanaıda ótetin Qazaqstan men Reseıdiń XIX Óńiraralyq yntymaqtastyq forýmyna beınebaılanys rejıminde qatysady. Elder arasyndaǵy taýar aınalymy, ınvestıtsııa kólemi jáne forýmda qandaı máseleler qaralatyny Kazinform sarapshysynyń sholýynda.
