Qasym-Jomart Toqaev AQSh pen Reseı prezıdentteri kelissóziniń qorytyndysyn quptaıdy

ASTANA. KAZINFORM - Qasym-Jomart Toqaev Vladımır Pýtın men Donald Tramptyń Ýkraına boıynsha telefon arqyly kelissóziniń qorytyndysyn quptaıdy, dep habarlaıdy Aqordanyń baspasóz qyzmeti.

Prezıdent eki eldiń kóshbasshylary naqty ýaǵdalastyqtar negizinde Eýrazııa keńistigindegi qaýipsizdikti qamtamasyz etý úshin asa mańyzdy uzaqmerzimdi beıbitshilikke qol jetkizýge nıetti ekenderin kórsetti dep sanaıdy.

Memleket basshysy buǵan deıin barlyq derjavalardy Ýkraına boıynsha «Beıbitshilik formýlasyn» ázirleý maqsatynda kelissózder protsesin bastaýǵa shaqyryp, BRIKS sammıtinde Qytaı men Brazılııanyń beıbitshilik josparyn qoldaǵan bolatyn.

Osyǵan deıin Vladımır Pýtın men Donald Tramptyń telefon arqyly kelissóz júrgizgeni týraly habarlaǵan edik.