Qasym-Jomart Toqaev Qazaqstan Barysy Grand Slam týrnırin tamashalady
ASTANA. KAZINFORM — Prezıdent Qazaqstan Barysy Grand Slam dzıýdodan halyqaralyq reıtıng týrnırine bardy. Bul týraly Aqordanyń baspasóz qyzmeti habarlady.
Týrnırdi Memleket basshysymen birge Halyqaralyq dzıýdo federatsııasynyń (IJF) prezıdenti Marıýs Vızer, Olımpıada chempıony Eldos Smetov tamashalady.
Bıyl bul básekege álemniń 46 elinen úzdik shyqqan 358 sportshy qatysyp jatyr.
Qazaqstandyq dzıýdoshylar arasynan Ǵusman Qyrǵyzbaev (-66 keli) pen Talǵat Orynbasar (-60 keli) kúmis, al Maǵjan Shamshadın (-60 keli), Aman Baqytjan (-60 keli), Eset Qýanov (-73 keli) jáne Abylaıhan Jubanazar (-81 keli) qola júlde jeńip aldy.
Eske sala keteıik, Astanada osymen Grand Slam álemdik serııasynyń jarystary úshinshi márte ótip jatyr.
Aıta ketelik Astanadaǵy týrnırde búgin el quramasynan kimder saıysqa túsetinin jazǵan edik.