Qasym-Jomart Toqaev prezıdenttik basty mıssııasyn atady

ASTANA. KAZINFORM – Ult retinde alǵa basý jolyndaǵy kedergini jeńip, sapaly ult bolýymyz qajet. Bul týraly Memleket basshysy Qasym-Jomart Býrabaıda ótken ulttyq quryltaıda málim etti.

- Biz úshin eshkim elimizdi damytyp, kórkeıtip bermeıdi. Qazaqstan óz azamattarymyzǵa, ıaǵnı bizge ǵana kerek. Biz óz múmkindigimiz ben kúsh-qýatymyzǵa arqa súıeýimiz qajet. Sondyqtan ult retinde alǵa basýǵa ne kedergi bolsa, sonyń bárinen arylyp, sapaly ult bolýǵa tıispiz, - dedi Qasym-Jomart Toqaev ulttyq quryltaıda.

Memleket basshysynyń aıtýynsha, elimizdi jahanǵa jaıylyp kele jatqan ózgeristerge daıyn bolýy tıis. 

- Qazaqstandy kez kelgen syn-qaterge tótep bere alatyn qýatty memleket etýimiz kerek. Bul – meniń Prezıdent retindegi basty mıssııam. Bul – tutas ultymyzǵa ortaq mańyzdy mindet, - deıdi ol. 

Sondaı-aq Prezıdent ulttyq qundylyqtarǵa qatysty bet-júzdi tumshalaıtyn qara kıimnen góri ózimizdiń ulttyq kıimderimiz áldeqaıda artyq ekenin aıtty.