Qasym-Jomart Toqaev Prezıdent Natasha Pırts Mýsardy Slovenııanyń Ulttyq kúnimen quttyqtady

ASTANA. KAZINFORM – Memleket basshysy Qasym-Jomart Toqaev Slovenııanyń Ulttyq kúnine oraı Prezıdent Natasha Pırts Mýsarǵa quttyqtaý jedelhatyn joldady. Bul týraly Aqordanyń baspasóz qyzmeti habarlady.

– Qazaqstan men Slovenııa arasyndaǵy dástúrli dostyq pen ózara qoldaýǵa negizdelgen yntymaqtastyq jyldan-jylǵa nyǵaıyp kele jatqany erekshe qýantady. Bolashaqta da san qyrly qazaq-sloven yqpaldastyǵy halyqtarymyzdyń ıgiligi úshin qarqyndy damı beretinine zor úmit artamyn, – dep jazylǵan jedelhatta.

Osy múmkindikti paıdalana otyryp, Memleket basshysy Slovenııa Prezıdentine jáne onyń halqyna baq-bereke tiledi.